पोखरा । टेम्पल ट्री रिसोर्ट प्रा.लि. पोखराले स्थापनाको १५ वर्ष पूरा गरी १६ औँ वर्षमा प्रवेश गरेको छ । रिसोर्टले वार्षिकोत्सवको अवसरमा विभिन्न सामाजिक कार्य गरेको छ । आइतबार बिहान लेकसाइडको स्ट्रिट नम्बर ६ वरपर सरसफाई तथा डष्टविन वितरण गरेको छ । त्यस्तै मानव सेवा आश्रम, हेम्जामा खाद्य सामग्री वितरण गरेको छ ।
वार्षिकोत्सवकै अवसरमा आइतबार टेम्पल ट्री प्रा.लि. परिसरमै एक समारोहको आयोजना गरियो । समारोहमा रिसोर्टमा कार्यरत उत्कृष्ट कर्मचारी सम्मान तथा आपसमा शुभकामना आदान–प्रदान गरियो । रिसोर्टमा लगातार १५ वर्षसम्म काम गर्दै आएका ऋषिराज गिरीलाई दीर्घसेवा कर्मचारीको सम्मान प्रदान गरिएको छ ।
त्यसैगरी १० वर्षदेखि निरन्तर काम गर्दै आएका रमेश गुरुङ तथा यो वर्षको सर्वोत्कृष्ट कर्मचारी युरोज श्रेष्ठलाई पनि सोही समारोहमै सम्मान गरियो । समारोहमा रिसोर्टका निर्देशक बिमल नहर्की, निर्देशक रन्जन कृष्ण कायस्थको पनि सहभागिता थियो ।
उक्त अवसरमा बोल्दै रिसोर्टका अध्यक्ष वसन्त गौतमले आन्तरिक तथा बाह्य पर्यटकलाई रिसोर्टले उत्कृष्ट सेवा प्रदान गर्दै आइरहेको र पर्यटकको मन जित्न सफल भएको बताए । उनले टेम्पल ट्री स्थापनाकालदेखि हालसम्मका संघर्ष तथा सफलताका क्षणहरू स्मरण गरे ।
नेपालको पर्यटन उद्योगमा विगत केही वर्ष यता विभिन्न खालका आरोह अवरोह आइरहेको बताउँदै यतिबेला पनि अन्तर्राष्ट्रिय युद्धका कारण पर्यटन क्षेत्रमा फेरि समस्या आउन सक्ने उनले बताए ।
समारोहमा बोल्दै रिसोर्टका निर्देशक प्रेमकृष्ण श्रेष्ठले रिसोर्टमा कार्यरत दक्ष तथा इमान्दार, लगनशील कर्मचारीकै कारण टेम्पल ट्री आज पोखराको प्रतिष्ठित रिसोर्टका रुपमा स्थापित हुन सफल भएको औल्याउ । सफलताको पछाडि रिसोर्टका साझेदारहरुको धैर्यता तथा व्याकबोण्डका रूपमा रहेका कर्मचारी भएको उनको भनाइ थियो ।
समारोहमा रिसोर्टका अपरेसन म्यानेजर सुमित भण्डारीले स्वागत मन्तव्य तथा एच.आर. म्यानेजर रामकृष्ण कडेलले कार्यक्रम सञ्चालन गरेका थिए । समारोहमा रिसोर्टमा कार्यरत कर्मचारीहरूले विभिन्न मनोरञ्जनात्मक सांस्कृतिक कार्यक्रम प्रस्तुत गरेका थिए ।
Comments are closed.