बुटवल । नेपालको आतिथ्य क्षेत्रमा एउटा महत्वपूर्ण कोसेढुङ्गा पार गर्दै, हायात प्लेस बुटवलले ३ प्रतिष्ठित अवार्ड प्राप्त गरेको छ । नेपालको उत्कृष्ट डेस्टिनेशन वेडिङ भेन्यु २०२६, नेपालको उत्कृष्ट होटेल अवार्ड २०२६, र ूनेपालको उत्कृष्ट जनरल म्यानेजर अवार्ड २०२६ बाट होटल सम्मानित भएको हो। यी सम्मान प्रतिष्ठित ुहोटेल क्रिटिक्स एण्ड ब्लगर्स एसोसिएसनु र ुवल्र्डवाइड बेस्ट होटेल डट कमु द्वारा प्रदान गरिएको हो।
सञ्चालनमा आएको ६ महिनाभित्रै यस्तो असाधारण राष्ट्रिय तथा अन्तर्राष्ट्रिय पहिचान हासिल गर्नु आफैंमा एक दुर्लभ उपलब्धि मानिन्छ । यी अवार्डले यस होटेलका विश्वस्तरीय सुविधाहरू, आकर्षक कार्यक्रम स्थलहरू, उत्कृष्ट अतिथि सेवा र कुशल नेतृत्वको प्रशंसा गर्दै यसलाई एक प्रमुख गन्तव्यको रूपमा स्थापित गरेको प्रमाणित गर्दछ।
सुरुवातदेखि नै हायात प्लेस बुटवलले अन्तर्राष्ट्रिय स्तरको मापदण्ड र न्यानो स्थानीय आतिथ्यताको उत्कृष्ट संयोजन गर्दै यस क्षेत्रको हस्पिटालिटी क्षेत्रलाई नयाँ परिभाषा दिएको छ। विशेष गरी नेपालकै उत्कृष्ट डेस्टिनेशन वेडिङ भेन्यु २०२६, अवार्डले होटेलको उत्कृष्ट ब्यांक्वेट सुविधाहरू र सपनाको विवाहलाई साकार पार्न होटेलको टोलीले पुर्याएको सुक्ष्म ध्यानलाई सम्मान गरेको छ। यसैगरी, नेपालकै उत्कृष्ट जनरल म्यानेजर अवार्ड २०२६ ले होटेलको यो अभूतपूर्व सफलताको पछाडि रहेको उत्कृष्ट दृष्टिकोण र कुशल नेतृत्वलाई मान्यता दिएको छ।
यस उपलब्धिप्रति खुसी व्यक्त गर्दै, हायात प्लेस बुटवलका महाप्रबन्धक एवं उत्कृष्ट जीएमको सम्मान प्राप्तकर्ता तुषार नागरले आफ्नो कृतज्ञता र उत्साह साट्दै भने, ‘सञ्चालनमा आएको ६ महिनामै २०२६ का लागि यी तीन प्रतिष्ठित अवार्डहरू प्राप्त गर्दा हामी निकै सम्मानित र कृतज्ञ महसुस गरिरहेका छौं। यो हाम्रो सम्पूर्ण टोलीले हरेक दिन देखाउने जोश, समर्पण र वास्तविक आतिथ्यताको उच्च सम्मान हो। सुरुवाती दिनदेखि नै बुटवलको हस्पिटालिटी अनुभवलाई अन्तर्राष्ट्रिय स्तरमा पुर्याउने हाम्रो एउटा स्पष्ट भिजन थियो। नेपालकै उत्कृष्ट होटेल, उत्कृष्ट डेस्टिनेशन वेडिङ भेन्युको रूपमा सम्मानित हुनु र महाप्रबन्धकको अवार्ड प्राप्त गर्नुले हामीलाई अझै उत्कृष्ट सेवा प्रदान गर्न र हाम्रा अतिथिहरूका लागि अविस्मरणीय क्षणहरू सिर्जना गरिरहन थप ऊर्जा दिएको छ। यस रोमाञ्चक यात्राको एक अभिन्न हिस्सा बनिदिनुभएकोमा हामी हाम्रा सम्पूर्ण अतिथि तथा साझेदारहरूप्रति हार्दिक आभार व्यक्त गर्दछौं।’
हायात प्लेस बुटवलले यस उद्योगमा नयाँ आयामहरू स्थापित गर्दै गर्दा, यस क्षेत्रको पर्यटन प्रवर्द्धन गर्ने र जीवनशैलीको उत्कृष्ट अनुभव प्रदान गर्ने आफ्नो लक्ष्यमा सदैव केन्द्रित रहने बताएको छ ।
हायात प्लेस बुटवलले आधुनिक सुविधा, उत्कृष्ट डाइनिङ (भोजन)अनुभव र विभिन्न कार्यक्रमका लागि बहुउद्देश्यीय स्थान प्रदान गर्दै आएको छ। व्यापारिक र फुर्सदमा घुम्न आउने दुवै प्रकारका पाहुनालाई लक्षित गरी निर्माण गरिएको यस होटेलले स्वदेशी तथा विदेशी सबै अतिथिलाई उत्कृष्ट सेवा, उच्च स्तरको आराम र अविस्मरणीय अनुभव प्रदान गर्न प्रतिबद्ध रहेको बताइएको छ।
Comments are closed.