काठमाडौं । धितोपत्र बजारमा शेयर कारोबार मापक नेप्से परिसूचक बिहिबार पनि उच्च अंकले वृद्धि भएको छ । नेपाल स्टक एक्सचेञ्जका अनुसार कारोबार मापक नेप्सेमा ५४.१२ अंकले उकालो लागेर दुई हजार ८५७.७५ मा पुगेको छ ।
यस्तै ठूला कम्पनीको कारोबार मापन गर्ने सेन्सेटिभ परिसूचक ८.९४ अंकले वृद्धि भइ ५३०.८३ मा पुगेको छ । कूल २ सय २४ कम्पनीको एक करोड १८ लाख ३४ हजार २ सय १६ कित्ता शेयर ६ अर्ब ६६ करोड ९७ लाख ४८ हजार ५ सय ६८ रुपैयाँ मूल्यमा खरिद बिक्री भए । आजको कारोबारपछि बजार पूँजीकरण ४० खर्ब ३७ अर्ब १२ करोड ७२ लाख २० हजार रुपैयाँको हाराहारीमा पुगेको छ ।
कारोबार भएका १३ उपसमूहमध्ये बिहिबार अन्य उपसमूहको मात्रै शेयर मूल्यमा गिरावट देखिएको छ । सो उपसमूह ३.४१ अंकले ओरालो लाग्दा बैंकिङ ९.८७, व्यापार ८३.४५, होटल तथा पर्यटन ३५.६९, विकास बैंक १४७.६५, जलविद्युत् १५८.४७, वित्त ९२.५९, निर्जीवन बीमा २८८.५६, उत्पादन १२७.३३, लघुवित्त १७४.३४, जीवन बीमा ३४९.६१, सामूहिक लगानी कोष ०.१५ र लगानी ३.०५ अंकले उकालो लागेको छ ।
कारोबारका आधारमा माथिल्लो तामाकोसी शीर्ष स्थानमा छ । सो कम्पनीको ३४ करोड ३१ लाख ४३ हजार २ सय ४५ रुपैयाँ बराबरको कारोबार भयो । यस्तै अपिपावर कम्पनी २३ करोड २३ लाख ३० हजार ९ सय ७० रुपैयाँ, नेपाल पूर्वाधार बैंक २२ करोड २९ लाख ११ हजार ७ सय १७ रुपैयाँ, एचआइडिसीएल २१ करोड ९४ लाख ६४ हजार ६ सय ६८ रुपैयाँ र हिमालयन डिस्टिलरी १४ करोड ४९ लाख ९२ हजार ३ सय ३४ रुपैयाँ बराबरको कारोबार भई शीर्ष पाँचभित्र पर्न सफल भए ।
नेप्सेका अनुसार मध्य भोटेकोसी जलविद्युत् कम्पनी ९.९८, माउण्टेन हाइड्रो ९.४४, कर्णाली डेभलपमेन्ट बैंक ९.३५, शिवश्री हाइड्रोपावर ९.०१ र आइसिएफसी फाइनान्सका लगानीकर्ताले ८.५४ प्रतिशतले कमाए । त्यस्तै नबिल डिवेञ्चर २.०३, एनआइसी एशिया सेलेक्ट फण्ड १.४१, नारायणी डेभलपमेन्ट बैंक १.१९, राष्ट्रिय बीमा कम्पनी एक तथा स्ट्याण्डर्ड चार्टर्ड बैंकका लगानीकर्ताले ०.९९ प्रतिशतले गुमाए ।
Comments are closed.