काठमाडौं । मंगलबार सामान्य घटेको सुनचाँदीको मूल्य बुधबार भने बढेको छ । मंगलबार तोलामा १ सयले घटेको छापावाल सुनको मूल्य बधबार भने तोलामा ८ सय रुपैयाँले बढेको छ ।
तोलामा ८ सय रुपैयाँले बढेसँगै आज छापावाल सुन प्रतितोला १ लाख १ हजार २ सय रुपैयाँ कायम भई कारोबार भइरहेको नेपाल सुनचाँदी व्यवसायी महासंघले जनाएको छ ।मंगलबार छापावाल सुन प्रतितोला तोलाको १ लाख ४ सय रुपैयाँमा कारोबार भएको थियो ।
त्यस्तै, बुधबार तेजाबी सुन प्रतितोला १ लाख ७ सय रुपैयाँ कायम भई कारोबार भइरहेको महासंघले जनाएको छ । हिजो तेजाबी सुन प्रतितोला ९९ हजार ९ सय रुपैयाँमा कारोबार भएको थियो ।
त्यसैगरी, बुधबार चाँदी तोलाको २५ रुपैयाँ बढेको छ । तोलामा २५ रुपैयाँ बढेसँगै आज चाँदी प्रतितोला १ हजार ४ सय रुपैयाँ कायम भई कारोबार भइरहेको महासंघले जनाएको छ । हिजो चाँदी प्रतितोला १ हजार ३ सय ७५ रुपैयाँमा कारोबार भएको थियो ।
Comments are closed.