तनहुँ । तनहुँको व्यास नगरपालिका ५ चुँदेर निवासी मिर्गौलाबाट पीडित एक व्यक्तिलाई करिब डेढ लाख आर्थिक सहयोग गरिएको छ । दुवै मिर्गौलामा समस्या भएका ४४ वर्षीय थमनबहादुर थापाको उपचारका लागि सोमबार एक लाख ४६ हजार ६ सय ३५ रुपैयाँ सहयोग गरिएको हो ।
चुँदेर घर भई हाल बुटवलमा बस्दै आएका उनका काका देवबहादुर थापाले सङ्कलन गरी ल्याएको रकम पीडितको उपचारका लागि हस्तान्तरण गरिएको हो । व्यास नगरपालिका–५ का वडाअध्यक्ष मोहनकुमार श्रेष्ठको रोहवरमा सङ्कलन गरेर ल्याइएको रकम थापाले पीडित परिवारलाई उपलब्ध गराएको हुन् ।
सोही अवसरमा साउदी अरबबाट सङ्कलित ३० हजार रुपैयाँ समेत पीडितलाई उपलब्ध गराउने प्रतिबद्धता व्यक्त गरिएको थियो । आर्थिक अवस्था कमजोरीका कारण मिर्गौला प्रत्यारोपण गर्न नसकेका थापा उपचारको खोजीमा भौँतारिँदै आएको छन् ।
चिकित्सकले १२ देखि १३ लाख रुपैयाँ उपचारमा खर्च लाग्ने जनाएको छन् । थापाका दुई छोरा छन् । अहिलेसम्म उपचार गर्दा सात लाख रुपैयाँ भन्दा बढी रकम खर्च भइसकेको पीडित थापाले जानकारी दिए । हप्तामा दुईपटक डायलासिस गर्नुपर्ने र एक पटकमा साढे सात हजार रुपैयाँ खर्च हुने उनले बताए । भारतमा २० वर्षसम्म सुपरभाइजरको पदमा काम गरेका थापा मिर्गौला फेल भएपछि नेपाल फर्किएको हुन् ।
Comments are closed.