काठमाडौं । इटालियन स्वादप्रेमीलाई लक्षित गर्दै काठमाडौंको सुकेधारा हाइट्समा रहेको पाँच तारे ‘होटल मक्र्योर काठमाडौं’ इटालियन रेस्टुरेन्ट ‘सोप्रा इटालियानो’ सुरु गरेको छ । सोप्रा इटालियानोको मेनुमा इटालियन ताजा पिज्जा, पास्ता तथा उत्कृष्ट इटालियन डिजर्ट समावेश गरिएको छ । परिकारहरूले सबै ग्राहकलाई इटालीको वास्तविक स्वाद पस्किने बताइएको छ ।
रेस्टुरेन्टको वातावरण परम्परागत इटालियन आकर्षणलाई आधुनिक सौन्दर्यसँग संयोजन गर्दै पारिवारिक जमघट, विशेष उत्सव तथा डिनरका लागि उपयुक्त बनाइएको होटलका महाप्रबन्धक विजय नन्मरन एसले बताए । नेपालका लागि फ्रान्सेली राजदूत भर्जिनी कोर्टेभलले उद्घाटन गरेको यो रेस्टुरेन्ट आउटलेट इटालियन खानाका पारखीहरूका लागि नयाँ र उत्कृष्ट गन्तव्य बन्ने अपेक्षा गरिएको छ ।
व्यवसायी देशबन्धु बस्नेतको कम्पनी दि मेट्रोपोलिटन होटल प्रालिले ३ अर्ब रूपैयाँभन्दा बढी लगानीमा निर्माण गरेको १०४ वटा कोठा भएको ‘होटल मक्र्योर काठमाडौँ’ युरोपियन हस्पिटालिटी ब्राण्ड मक्र्योरले व्यवस्थापन गरेको हो । रोमन यात्री देवता मक्र्युरीबाट प्रेरित मक्र्योर, आवास सुविधा मात्र नभई स्थानीय संस्कृति र अनुभवसहितको आतिथ्य सेवा हो । सन् १९७३ मा फ्रान्समा स्थापना भएको यो ब्रान्डले विश्वव्यापी मापदण्डलाई स्थानीय स्वादसँग मिसाएर उत्कृष्ट आतिथ्य सेव प्रदान गर्दै आएको छ ।
विश्वका ११० बढी देशमा ५ हजार ७ सय भन्दा बढी संरचना भएको अकोर हस्पिटालिटी समूहको सदस्यका रूपमा, म्यक्युरले आतिथ्य क्षेत्रमा गुणस्तरीय आतिथ्य सेवा प्रदान गर्दै आइरहेको छ । अकोर हस्पिटालिटीको मक्र्योर ब्राण्डमा ६० भन्दा बढी देशमा हजारभन्दा बढी होटल सञ्चालनमा छन् । पाहुनालाई ‘फिल लोकल एभ्रीव्हेर’ को अनुभव प्रदान गर्नु मक्र्योरको मुख्य बिशेषता हो ।
Comments are closed.