रामपुर (पाल्पा) । आज गणतन्त्र दिवसको अवसरमा संगम टोल विकास संस्था रामपुर नगरपालिका वडा नं ४ पाल्पाले टोल सरसफाई कार्यक्रम गरेको छ ।
टोल विकास संस्थाका अध्यक्ष हर्षबहादुर रानाको अध्यक्षतामा कार्यक्रम भएको हो । प्रमुख अतिथि वडाध्यक्ष रामबहादुर रानाले टोलवासीलाई कुचो, हँसिया, बेल्चा वितरण गरेर कार्यक्रम शुभारम्भ गरे ।
टोल विकास संस्थाको क्षेत्रमा दीर्घकालिन समस्याको समाधान गर्ने, नयाँ खोज र अनुसन्धान ल्याउने खालका कार्यक्रममा वडाले सहयोग गर्ने प्रमुख अतिथि वडाध्यक्ष रानाले प्रतिवद्धता जनाएका छन् ।
वडाध्यक्ष रानाले आफ्नो घर, गाउँ र टोल सफा रह्यो भने सिंगो समाज नै सफा रहने हुदा यस्ता खालका कार्यक्रम बेला–बेलामा गरिरहनुपर्ने बताएका छन् ।
टोल विकास संस्थाका सदस्य इन्द्रबहादुर घर्तीको स्वागत र सचिव विष्णु सेन ठकुरीको सञ्चालनमा कार्यक्रम भएको हो ।
Comments are closed.