काठमाडौं । श्री गणेश प्लाइउडज इन्डष्ट्रिज प्रा.लिअन्तर्गत सञ्चालित उच्च गुणस्तरका प्लाइउड प्यानल तथा ल्यामिनेट उत्पादन गर्ने जागुआर प्लाइ ब्रान्डले नेपाली क्रिकेटर सोमपाल कामीलाई ब्रान्ड एम्बेसडर नियुक्त गरेको छ । यस रणनीतिक सहकार्यले कम्पनीलाई नेपालभर आफ्नो उपस्थिति सुदृढ बनाउन तथा गुणस्तर, मजबूती र विश्वासप्रतिको प्रतिबद्धतालाई अझ मजबुत बनाउन महत्वपूर्ण योगदान पुयाउने विश्वास लिइएको छ।
यस सहकार्य अन्तर्गत, सोमपाल कामीले डिजिटल क्याम्पेन, ब्रान्ड प्रमोशन, डिलर इन्गेजमेन्ट कार्यक्रम तथा देशव्यापी विज्ञापनमार्फत जागुआर प्लाइको प्रतिनिधित्व गर्नेछन्। यसले निर्माण व्यवसायी, ठेकेदार, आर्किटेक्ट, डिलर तथा आम उपभोक्तासँग ब्रान्डको सम्बन्ध अझ मजबुत बनाउने अपेक्षा गरिएको छ ।
जागुआर प्लाइका निर्देशक रोहित नेमानीले भने,यो ‘हामी सोमपाल कामीलाई जागुआर प्लाइ परिवारमा स्वागत गर्न पाउँदा अत्यन्तै खुशी छौ । उहाँको समर्पण, दृढता र विश्वसनीयता हाम्रो ब्रान्डका मुख्य मूल्यहरूसँग मेल खान्छन् । यस सहकार्यले ग्राहकहरूसँग हाम्रो सम्बन्ध अझ बलियो बनाउनेछ र बजारमा हाम्रो पहिचानलाई थप सुदृढ गर्नेछ।’
ब्राण्ड एम्वेष्डर नियुक्तपछि सोमपाल कामीले भने, ‘जागुआर प्लाइसँग आबद्ध हुन पाउँदा म गर्व महसुस गर्दछु । यो ब्रान्डले मजबुती, गुणस्तर र विश्वासको प्रतिनिधित्व गर्छ। म यस ब्रान्डको विकासमा योगदान दिन र नेपालभरका उपभोक्तासँग जोडिन उत्साहित छु’ ।
जागुआर प्लाइले शटरिङ प्लाइउड, कमर्शियल प्लाइउड, फ्लस डोर तथा अन्य काठजन्य प्यानल उत्पादनमार्फत बजारमा आफ्नो बलियो पहिचान बनाएको छ । कम्पनीले नेपालका प्रमुख शहरहरूमा आफ्नो डिलर सञ्जाल विस्तार गर्दै आएको छ र गुणस्तरीय उत्पादनमार्फत ग्राहकहरूको विश्वास जित्दै आएको छ ।
सोमपाल कामीलाई ब्रान्ड एम्बेसडरको रूपमा नियुक्त गर्नु जागुआर प्लाइको दीर्घकालीन ब्रान्चि॒ङ रणनीतिको महत्वपूर्ण हिस्सा हो, जसले बजारमा दृश्यता बढाउने, डिलर सम्बन्ध मजबुत बनाउने तथा आधुनिक निर्माण र इन्टेरियर आवश्यकताका लागि प्रिमियम गुणस्तरका उत्पादन प्रवर्द्धन गर्ने लक्ष्य राखेको छ ।
यस सहकार्यलाई व्यापक मार्केटिङ अभियानमार्फत समर्थन गरिनेछ, जसमा डिजिटल प्रमोशन, सामाजिक सञ्जाल अभियान, युट्युब विज्ञापन, डिलर ब्रान्डिङ, रिटेल भिजिबिलिटी तथा प्रमुख शहरहरूमा बाह्य विज्ञापन समावेश हुनेछन् ।
Comments are closed.