काठमाडौं । समृद्धि फाइनान्सले नेपाल सरकार, भुमि व्यवस्थापन तथा अभिलेख विभाग, बबरमहल, काठमाडौसंग सम्झौता गरेको छ । जग्गा धनी, ऋणी र वितीय संस्थाको प्रतिनिधी समेतको भौतिक उपस्थितिमा भूमि सुधार मालपोत कार्यालयको रहोबरमा धितो बन्धकी लिखित पारित गरिदै आएकोमा अब पूर्ण रुपमा सूचना प्रविधिमा आधारित रही भूमि प्रशासन निर्देशिका २०८१ बमोजिम रोक्का, पूmकुवा सम्बन्धि सम्पूर्ण काय अनलाईन मार्पmत गर्ने भएको छ । यसका लागि फाइनान्सले नेपाल सरकार, भूमि व्यवस्थापन तथा अभिलेख विभागसंग समझदारी पत्रमा हस्ताक्षर गरेको हो ।
सम्झौतापत्रमा फाइनान्सको तर्फबाट प्रमुख कार्यकारी अधिकृत सन्तोष कुमार घिमिरे र नेपाल सरकार, भुमि व्यवस्थापन तथा अभिलेख विभागको तर्फबाट महा निर्देशक शिव प्रसाद रेग्मीले हस्ताक्षर गरेका छन् ।
यस सम्झौता पश्चात् धितो बन्धकको रोक्का तथा फुकुवा सम्बन्धि सम्पूर्ण कार्यहरु अनलाईन मार्फत संस्थाले नै गर्न सकिने छ । उक्त सुविधा यस फाइनान्सको केन्द्रिय कार्यालय मार्फत नेपाल अधिराज्य भरमा रहेको सम्पूर्ण शाखा कार्यालयहरुको समेत गर्न सकिनेछ । यो संगै फाइनान्सका ग्राहकले कर्जा उपभोग गर्दा छिटो छरितो तथा सहज रुपमा सेवा प्राप्त गर्न सक्नेछन् । फाइनान्सले डिजिटल वित्तीय सेवा विस्तार गर्दै नयाँ प्रविधिमार्फत ग्राहक सन्तुष्टिमा केन्द्रित सेवाहरु प्रदान गर्ने लक्ष्य लिएको छ ।
नेपाल राष्ट्र बैंकबाट “ग” वर्गको इजाजतपत्र प्राप्त राष्ट्रिय स्तरको समृद्धि फाइनान्स कम्पनी लिमिटेडले हाल १३ वटा शाखाहरु मार्फत कारोबार गर्दै आएको छ भने आर.टि.जि.एस., आइपीएस, कनेक्ट आइपीएस, रेमिटान्स, क्लियरिंग लगायतका बैंकिग र मोबाइल बैंकिग, डेबिट कार्ड, क्यू.आर कोड जस्ता अत्याधुनिक डिजिटल सुविधाहरु प्रदान गर्दै आइरहेको छ ।
Comments are closed.