सुमन न्यौपाने
सिए, प्रिन्सिपल, कलेज अफ बिजनेश म्यानेजमेन्ट (सिबिएम)शिक्षा क्षेत्रमा केही गरौं भन्ने उद्देश्यसहित चार्टर एकाउन्टेन्ट युवाहरुले सञ्चालन गरेको शैक्षिक संस्था हो कलेज अफ बिजनेश म्यानेजमेन्ट । काठमाडौंको डिल्लीबजारमा रहेको यो कलेजले एसईई सकेका विद्यार्थीहरुलाई लक्षित गरी प्लस टु म्यानेजमेन्टको परामर्श सेवा प्रदान गर्दैै आइरहेको छ । यसैक्रममा कलेजका प्रिन्सिपल सिए सुमन न्यौपानेसँग कलेजका विशेषता, म्यानेजमेन्ट अध्ययनको महत्व लगायत विविध विषयमा आर्थिक आवाजले गरेको कुराकानीः
विद्यार्थीले म्यानेजमेन्ट अध्ययन किन गर्नुपर्छ जस्तो लाग्छ यहाँलाई ?
म्यानेजमेन्टको स्कोप अहिले धेरै राम्रो छ । विश्वव्यापी रुपमा नै म्यानेजमेन्टका विद्यार्थीको माग बढिरहेको छ । धेरै विद्यार्थीको रोजाई बन्न सफल छ अहिले म्यानेजमेन्ट । म्यानेटमेन्टका विद्यार्थीको सपना भनेको प्राय चार्टर एकान्उट तिर देखिन्छ । सुन्दर भविष्यका तथा प्रशस्त अवसरका लागि म्यानेजमेन्ट अध्ययन गर्नुपर्छ भन्ने मलाई लाग्छ ।
कलेज अफ बिजनेश म्यानेजमेन्ट (सिबिएम) मा नै किन अध्ययन गर्ने ?
नेपाललाई म्यानेजमेन्ट र टेक्नोलोजीको हबको रुपमा विकास गर्नुपर्छ भन्ने हाम्रो भिजन हो । नेपालमा व्यवहारिक शिक्षा दिने शिक्षकको आवश्यकता छ भन्ने कुरा विभिन्न खोजले देखाउँछन् । प्रयोगात्मक तथा व्यवहारिक शिक्षा हामी प्रदान गर्छौं । हामीसँग म्यानेजमेन्टका बारेमा ज्ञान भएको अनुभवी तथा दक्ष टिम छ । विद्यार्थीहरु पास भएर काम गर्नेे क्रममा विद्यार्थीमा एक्सल, एकाउन्टिङ सफ्टवयर, स्टक मार्केट, बैकिङ, इन्स्योरेन्स जस्ता कुराको ज्ञान हुनुपर्छ । हामीले त्यसै अनुसार विद्यार्थीलाई सिकाउछौं । अहिले डिजिटल मार्केटिङको समय आएको छ । अनलाइन, फेसबुक, इन्स्टाग्राम लगायतबाट कसरी काम गर्न सकिन्छ भन्ने कुरालाई अगाडि बढाएका छौं । हामीसँग चार्टर एकाउन्टेन्ट लगायत अन्य विज्ञ, दक्ष तथा अनुभवी टिम छ ।
कलेजको मुख्य उद्देश्य के छ ?
हाम्रो उद्देश्य भनेको विद्यार्थीमैत्री वातावरणमा नवीनतम विधि तथा प्रविधिको प्रयोग गरी शिक्षण गर्नु हो । विषय विशेषज्ञसँग विभिन्न तालिम, सेमिनार तथा गोष्ठीको आयोजना गरी विद्यार्थीलाई सहभागी गराउँछौं । राष्ट्रियस्तरमा मात्र नभई अन्तर्राष्ट्रियस्तरमा नै प्रतिस्पर्धा गर्न सक्ने विद्यार्थी उत्पादन गर्नु हाम्रो उद्देश्य हो । विद्यार्थीमा विभिन्न ज्ञान हुनु आवश्यक छ । सूचना प्रविधिको प्रयोग तथा वैज्ञानिक अवधारणाको प्रयोग गर्नु हाम्रो उद्देश्य हो र त्यसै अनुशार शिक्षण गर्छौं ।
अन्य कलेजहरु भन्दा कलेज अफ बिजनेश म्यानेजमेन्ट (सिबिएम) कसरी फरक छ ?
विद्यार्थीको आवश्यकता र स्तर अनुसार हामी शिक्षण गर्छौं । सरकारी विद्यालयबाट आउने र अङ्ग्रेजीमा कमजोर विद्यार्थीको लागि पनि हामीले विशेष व्यवस्था गरेका छौं । हप्तामा ५ दिन कक्षा सञ्चालन गर्छौं । १ दिन विद्यार्थीको प्रिजेन्टेसन, विभिन्न विषय विज्ञसँग छलफल, गोष्ठी तथा सेमिनार हामी गर्छौं । जसले विद्यार्थीलाई धेरै कुरा सिक्ने अवसर प्रदान गर्छ । विद्यार्थीले पढेको कुरालाई व्यवहारमा ल्याउन आवश्यक छ । सामान्य कुराको ज्ञान नभएर विद्यार्थी अलमलमा परेको हामी पाउछौं । बिना हिचकिचावट सामान्य कुरा सिक्ने वातावरण हामीले बनाएका छौं । विद्यार्थीको लागि आवश्यक पर्ने प्रयोगात्मक कक्षा पनि सञ्चालन गर्छौं । पुस्तकालय लगायत भौतिक संरचना पनि सुविधा सम्पन्न छ ।
कस्ता विद्यार्थीलाई लक्षित गर्नुभएको छ ?
म्यानेजमेन्ट क्षेत्रमा केही गर्छु भन्ने विद्यार्थी हाम्रो टार्गेट ग्रुपमा पर्नुहुन्छ । कुनै बिजनेश गर्न चाहने, कर्पोरेट ग्रुपको लिड गर्न चाहने, विद्यार्थीलाई फोकस गरेका छौं । प्लस टु पढाउँदा नै विद्यार्थीको इच्छा तथा चाहना केमा छ भन्ने हामी थाहा पाउछौं । हामी त्यसै अनुशार विद्यार्थीलाई सल्लाह दिन्छौं । कतिपय विद्यार्थी काउन्सिलिङको अभावमा पनि अलमलमा परेको हामी पाउछौं । प्लस टु साइन्स गरेर पनि सि ए पढ्छु भन्ने विद्यार्थी पनि हाम्रो टार्गेट ग्रुपमा पर्नुहुन्छ । सबै ट्यालेन्ट विद्यार्थीलाई मात्र फोकस गरेका छैनौं । सबै स्तरको विद्यार्थीलाइ लक्षित गरेका छौं ।
सि.ए. पढ्न गाह्रो छ भन्ने पनि कतिपय विद्यार्थीलाई लाग्छ । के भन्नुहुन्छ ?
सि.ए. पढ्न गाह्रो हुन्छ र कुनै एक विषय लागेमा सबै दिनुपर्छ भन्ने कुरा पनि बजारमा सुनिन्छ । यसले विद्यार्थीमा पनि भ्रम पैदा गरेको छ । विद्यार्थीले यसबारे सबै कुरा बुझ्नु आवश्यक हुन्छ र हामी त्यसै अनुशार काउन्सिलिङ पनि गर्छौ ।
कलेजमा कति जना विद्यार्थी पढाउने क्षमता छ ?
प्लस टु को लागि १ हजार जना विद्यार्थीको लागि हामीसँग सिट छ । ब्याचलरमा विविएस र विविएम पनि छ । मास्टर्स लेभलमा एमबिएस छ । अहिलेको समयको मुख्य फोकस भनेको प्लस टु म्यानेजमेन्ट हो ।
कलेज अफ बिजनेश म्यानेजमेन्टमा पढ्न चाहने विद्यार्थीले कसरी एप्लाई गर्न सक्छन् ?
फेसबुक पेज मार्फत गुगल फर्मबाट विद्यार्थीलाई काउन्सिलिङ गरिरहेका छौं । कलेज अफ बिजनेश म्यानेजमेन्टको फेसबुक पेजमा गएर प्रि रजिष्ट्रेसन एण्ड काउन्सिलिङ पनि छ । त्यहाँ एप्लाई नाउको बटनमा क्लिक गरेपछि गुगल फर्म खुल्छ । त्यहाँ सबै डिटेल आएपछि फलो अप हामी गर्छौं । अहिले वेबसाइटबाट पनि प्रि रजिष्ट्रेसनको लागि आवेदन लिइरहेका छौं ।
काठमाडौं बाहिरबाट आउन चाहने विद्यार्थीलाई के भन्नुहुन्छ ?
टाढाबाट आएर पढ्न चाहने विद्यार्थीको लागि होस्टल पनि छ । काठमाडौं कै अन्य ठाउँबाट आउनेलाई यातायातको व्यवस्था पनि छ । कोरोना महामारीलाई मध्यनजर गर्दै शुरुमा भने अनलाइनको माध्यमबाट नै हामी काम गर्छौं । विद्यार्थीलाई आफ्नो चाहना अनुसारको विषय पढ्न म आग्रह गर्दछु । जुनसुकै विषयमा पनि रामम्रो गर्न सकियो भने स्कोप सबैको छ ।
Comments are closed.