काठमाडौं । सांग्रिला डेभलपमेन्ट बैंक लिमिटेडले २० औं वार्षिकोत्सव विभिन्न कार्यक्रमका साथ मनाएको छ । वार्षिकोत्सवको अवसरमा केन्द्रिय कार्यालय बालुवाटार काठमाडांैमा बैंकका प्रमुख कार्यकारी अधिकृत सुयोग श्रेष्ठको सहभागीलाई स्वागत गरेका हुन् ।
बैंकले कार्यक्रमको अवसर पारेर केन्द्रिय कार्यालयबाट शुरु भएको प्रभातफेरी भाटभटेनी, टंगाल, लक्ष्मण बाबु भवन, नक्साल पेट्रोल पम्प, नारायण चौर, नागपोखरी, उत्तरढोका, गैरीधारा हुँदै बैंकको केन्द्रिय कार्यालय, बालुवाटारमा आएर सम्पन्न गरिएको हो ।
प्रभातफेरी कार्यक्रम पश्चात बैंकका सञ्चालक समितिका अध्यक्ष उज्जवल सत्यालले बैंकले दिने सेवा सुबिधाबारे जानकारी दिएका छन् । वार्षिकोत्सवकै अवसर पारेर केन्द्रिय कार्यालय काठमाडांै, पोखरा क्लष्टर, नेपालगञ्ज क्लष्टर र बर्दिबास शाखामा गरिएको रक्तदान कार्यक्रममा जम्मा २५१ जनाले रक्तदान गरेका छन् ।
मुलुकभर ११२ शाखा कार्यालय, ३० एटिएम, साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई यस बैंकले पालना गर्दै आएको छ ।
Comments are closed.